கடுமையாகிறது போக்குவரத்து விதி!

சென்னை: தமிழக அரசு பொறுப்பேற்றது முதல் சில சட்டங்களை மாற்றியும், கடுமையாக்கியும் வருகிறது. நாளை முதல் ( திங்கட்கிழமை) அபராத கட்டணம் உயர்த்தி கொண்டு வரப்பட்டுள்ள சட்டம் நடைமுறைக்கு கொண்டு வரப்படுகிறது. போக்குவரத்து விதிமீறல்களை கட்டுப்படுத்தும் நோக்கில் இந்த அபராத கட்டணத்தை உயர்த்தியிருப்பதாக தமிழக அரசு தரப்பில் கூறப்படுகிறது.

காதை பிளக்கும் வகையில் இடையூறு ஏற்படுத்தி ஹாரன் அடித்தபடி செல்பவர்களுக்கு ரூ.1000 அபராதம் விதிக்கப்படும். காற்றை மாசுபடுத்தும் வகையில் கரும்புகை வெளியேற்றி செல்லும் வாகனங்களுக்கும் இதே அளவு அபராதத் தொகை விதிக்கப்படும். இன்சூரன்ஸ் இல்லாமல் வாகனங்களை ஓட்டுபவர்களுக்கு ரூ.500 அபராதம் விதிக்கப்படும். இதுபோன்று 34 வகையான விதிமீறல்களுக்கு நாளை முதல் அபராதம் விதிக்கப்பட உள்ளது. ஹெல்மெட் அணியாமல் மோட்டார் சைக்கிள் ஓட்டுபவர்களுக்கு 50 ரூபாய் இருந்த கட்டணம் தற்போது 100 ரூபாயாக உயர்த்தப்பட்டுள்ளது. ஹெல்மெட் அணியாமல் 2-வது முறை சிக்கினால் ரூ.300 அபராதம் வசூலிக்கப்படும். 3 பேருடன் மோட்டார் சைக்கிளில் செல்பவர்களிடமும் இதேபோன்று அபராதம் வசூலிக்கப்படும்.

சாலையில் செல்வோரை அச்சுறுத்தும் விதமாக வேகத்தில் ஓட்டிச்சென்றால், முதல் முறை ரூ.1000, 2-வது முறை ரூ.2000 அபராதம் வசூலிக்கப்படும். நம்பர் பிளேட் இல்லாமல் கார் அல்லது மோட்டார் சைக்கிளை ஓட்டிச் செல்பவர்களுக்கு நாளை முதல் ரூ.2,500 அபராதம் விதிக்கப்படும். 2-வது முறையும் அவர்கள் இதே தவறை செய்தால் ரூ.5 ஆயிரம் அபராதம் வசூலிக்கப்படும். எப்படியோ போக்குவரத்து போலீசார் பிஸியாகி விடுவர்.

சீனாவின் முதல் சூப்பர் கம்ப்யூட்டர் செயல்பாட்டுக்கு வந்தது

சீனாவின் முதல் சூப்பர் கம்ப்யூட்டர் ”சன்வே ப்ளூ லைட்” அதிகாரப்பூர்வமாக பயன்பாட்டுக்கு வந்துள்ளது. சீன தயாரிப்பான இந்த சூப்பர் கம்ப்யூட்டர், ஆயிரம் டிரில்லியன் கணக்குகளை ஒரு நொடியில் போடும் வல்லமை கொண்டது.

 

கடந்த 2011-ம் ஆண்டு செப்டம்பர் மாதம் சீன நாட்டின் கிழக்கு நகரமான ஜியானில் நிறுவப்பட்ட இந்த சூப்பர் கம்ப்யூட்டர்,  3 மாத சோதனைக்கு பிறகு செயல்பாட்டுக்கு வந்துள்ளதாக செய்திகள் தெரிவிக்கின்றன.

 

சீனாவின் கணினி பொறியியல் மற்றும் தொழில்நுட்ப தேசிய ஆராய்ச்சி மையத்தால் இந்த சூப்பர் கம்ப்யூட்டர் உருவாக்கப்பட்டுள்ளது.

 

கடல் பயன்பாடு, உயிர் மருந்தகம், தொழில்துறை வடிவமைப்பு, நிதி ஆகிய துறைகளில் இந்த சூப்பர் கம்ப்யூட்டரை பயன்படுத்த முடியும் என்று செய்தி நிறுவனம் ஒன்று தெரிவித்துள்ளது.

ஹஜ் பயணம் செல்வோருக்கு மார்ச் 1-ந் தேதி முதல் விண்ணப்பம்: இந்திய ஹஜ் கமிட்டி அறிவிப்பு

சென்னை, ஜன.12-

 

ஹஜ் பயணம் பற்றிய அறிவிப்பு அடுத்த மாதம் (பிப்ரவரி) கடைசி வாரத்தில் வெளியிடப்படும். ஹஜ் பயணம் செல்வதற்கான விண்ணப்ப படிவங்கள் மார்ச் 1-ந் தேதி முதல் வழங்கப்படும். விண்ணப்பம் பெற கடைசி நாள் 31-ந் தேதி ஆகும். ஏப்ரல் மாதம் கடைசி வாரம் குலுக்கல் நடைபெறும்.

 

ஹஜ் பயணத்திற்கு தேர்வு செய்யப்பட்டவர்கள் மே மாதம் 31-ந் தேதிக்குள் கட்டணத்தை செலுத்திவிட வேண்டும் என்று இந்திய ஹஜ் கமிட்டியின் துணை தலைவர் வெளியிட்ட செய்தி குறிப்பில் கூறப்பட்டுள்ளது.

மாதம் ரூ.750 பெற்ற உலமாக்கள் ஓய்வூதியம் ரூ.1000 ஆக அதிகரிப்பு: ஜெயலலிதா உத்தரவு

தமிழக அரசு வெளியிட்டுள்ள செய்திக்குறிப்பில் கூறி இருப்பதாவது:-  

 

சிறுபான்மையினரின் நலன்களை பாதுகாப்பதிலும், அவர்களின் கல்வி மற்றும் பொருளாதார முன்னேற்றத்தை உயர்த்துவதிலும் முதல்-அமைச்சர் ஜெயலலிதா தலைமையிலான அரசு முனைப்புடன் செயல் பட்டு வருகிறது.

 

அந்த வகையில் உலமா ஓய்வூதியத் திட்டத்தின் கீழ், பள்ளிவாசல் மற்றும் தர்காக்களில் 20 ஆண்டு காலம் பணிபுரிந்து ஓய்வு பெற்ற 60 வயது நிரம்பிய பேஷ் இமாம்கள், மோதினார்கள், அரபி ஆசிரியர்கள் மற்றும் முஜாவர்கள் ஆகியோரிடமிருந்து ஓய்வூதியம் பெறுவதற்காக வரப்பெற்ற மனுக்கள் நிலுவையில் உள்ளதை அறிந்த முதல்-அமைச்சர் ஜெயலலிதா, உலமா ஓய்வூதியப் பயனாளிகளின் எண்ணிக்கையை 2,400-ல் இருந்து 2,600 ஆக உயர்த்தியதோடு மட்டுமல்லாமல், மாதந்தோறும் வழங்கப்படும் ஓய்வூதியத் தொகையையும் 750 ரூபாயிலிருந்து 1,000 ரூபாயாக அதிகரிக்கவும் உத்தரவிட்டுள்ளார்.

 

இதனால் அரசுக்கு ஆண்டொன்றுக்கு 3.12 கோடி ரூபாய் செலவாகும்.   இதுமட்டுமல்லாமல், இஸ்லாமிய பெருமக்களின் நன்மைக்காக பல்வேறு நலத்திட்டங்களைச் செயல்படுத்திவரும் வக்ப் வாரியத்தின் நிதிப்பற்றாக்குறையை கருத்தில் கொண்டு, வாரியத்தின் பணிகளில் எந்தவித தொய்வும் ஏற்படாத வண்ணம், ஆண்டுதோறும் வழங்கப்பட்டு வரும் அரசு மானியத்தை ஒரு கோடி ரூபாயாக உயர்த்தவும், வக்ப் வாரியத்தில் ஏற்பட்டிருக்கும் நிதி நெருக்கடி காரணமாக ஓய்வு பெற்ற பணியாளர்களுக்கு சேர வேண்டிய ஓய்வூதிய பலன்கள் வழங்கப்படாமல் நிலுவையில் உள்ளதை அறிந்து, அவர்களுடைய ஓய்வூதியப் பலன்களை உடனடியாக வழங்கும் வகையில், வக்ஃப் வாரியத்திற்கு சிறப்பு ஒட்டு மொத்தத் தொகையாக 3 கோடி ரூபாய் வழங்கவும் முதல்-அமைச்சர் ஜெயலலிதா உத்தரவிட்டுள்ளார்.

 

இதேபோன்று, வருடந்தோறும் ஹஜ் புனித யாத்திரைக்காக செல்லும் பயணிகளை தேர்ந்தெடுத்து, அவர்களுக்கான வசதிகளை செய்து தரும் பணியினை மேற்கொண்டு வரும் தமிழ்நாடு மாநில ஹஜ் குழுவின் அன்றாட நிர்வாக செலவு அதிகரித்துள்ளதையும், தமிழ்நாடு மாநில ஹஜ் குழு நிதி நெருக்கடியில் உள்ளதையும் கருத்தில் கொண்டு, முதல்-அமைச்சர் ஜெயலலிதா, ஆண்டுதோறும் ஹஜ் குழுவிற்கு வழங்கப்படும் அரசு மானியத்தை 10 லட்சம் ரூபாயிலிருந்து 20 லட்சம் ரூபாயாக உயர்த்த ஆணையிட்டுள்ளார்.

 

நன்றி : மாலைமலர்

உத்தேச அட்டவணை வெளியீடு: பிளஸ்-2 பொதுத்தேர்வு மார்ச் 2-ந்தேதி தொடக்கம்

பிளஸ்-2 பொதுத் தேர்வு மார்ச் 2-ந்தேதி தொடங்கி 24-ந்தேதி முடிவடைகிறது. இதற்கான உத்தேச அட்டவணை அரசின் ஒப்புதலுக்கு தேர்வுத்துறை அனுப்பியுள்ளது. பிளஸ்-2 மற்றும் 10-ம் வகுப்பு பொதுத்தேர்வுக்கான கால அட்டவணையை அரசு தேர்வுத் துறை வெளியிடுவதற்கு முன்பாக உத்தேசமான அட்டவணையை அரசின் ஒப்புதலுக்கு தயாரித்து அனுப்புவது வழக்கம்.

 

அந்த வகையில் பிளஸ்-2 தேர்வுக்கான உத்தேச தேர்வு அட்டவணையை தற்போது அனுப்பியுள்ளது. பிளஸ்-2 தேர்வு மார்ச் மாதம்

2-ந்தேதி தொடங்கி 24-ந்தேதி வரை நடத்த திட்டமிட்டுள்ளது. 7 லட்சத்து

63 ஆயிரத்து 124 மாணவ-மாணவிகள் இந்த ஆண்டு தேர்வு எழுத உள்ளனர். கடந்த வர டத்தை காட்டிலும் 39,579 பேர் கூடுதலாக தேர்வு எழுதுவார்கள் என எதிர்பார்க்கப்படுகிறது.

 

ஒவ்வொரு தேர்விற்கும் 2 நாட்கள் இடைவெளி விட்டு தேர்வுகள் நடைபெறுகிறது. மாணவர்கள் படித்து அதிக மதிப்பெண் பெற வேண்டும் என்பதற்காக அரசு தேர்வுத்துறை இந்த இடைவெளியை கொடுத்துள்ளது. 0.25 கட்- ஆப் மார்க்கில் மருத்துவம் மற்றும் என்ஜினீயரிங் கலந்தாய்வில் பெரிய மாற்றத்தை ஏற்படுத்தி விடும் என்பதால் ஒவ்வொரு தேர்வுக்கும் இடையே 2 நாட்கள் இடைவெளி கொடுக்கப்பட்டுள்ளது.

 

தேர்வுத்துறை தயாரிக்கும் உத்தேச கால அட்டவணையில் பெரிய அளவில் மாற்றம் இருக்காது. அதே அட்டவணையை வெளியிட அரசு முடிவு செய்யும். அதனால் இந்த உத்தேச அட்டவணைக்கு ஒப்புதல் அளித்து ஓரிரு நாட்களில் அறிவிப்பு வெளியாகும் என்று தெரிகிறது.

 

THANKS : MAALAIMALAR

2012: மத்திய அரசு பொதுவிடுமுறை நாட்கள்

தமிழ்நாட்டில் உள்ள மத்திய அரசு அலுவலகங்களுக்கு 2012 ம் ஆண்டுக்கான பொது விடுமுறை நாட்கள் அறிவிக்கப்பட்டு உள்ளன. அதன் விவரம் வருமாறு:

1. ஜனவரி 26 (வியாழன்)   குடியரசு தினம்

2. பிப்ரவரி 5 (ஞாயிறு)   மிலாடி நபி

3. ஏப்ரல் 5 (வியாழன்)   மகாவீர் ஜெயந்தி

4. ஏப்ரல் 6 (வெள்ளி)   புனித வெள்ளி

5. ஏப்ரல் 13 (வெள்ளி)   விஷு தினம்

6. மே 6 (ஞாயிறு)   புத்த பூர்ணிமா

7. ஆகஸ்ட் 15 (புதன்)   சுதந்திர தினம்

8. ஆகஸ்ட் 20 (திங்கள்)   ரம்ஜான்

9. செப்டம்பர் 19 (புதன்)   விநாயகர் சதுர்த்தி

10. அக்டோபர் 2 (செவ்வாய்)   காந்தி ஜெயந்தி

11. அக்டோபர் 23 (செவ்வாய்)   மகா நவமி

12. அக்டோபர் 24 (புதன்)   விஜயதசமி (தசரா)

13. அக்டோபர் 27 (சனி)   பக்ரீத்

14. நவம்பர் 13 (செவ்வாய்)   தீபாவளி

15. நவம்பர் 25 (ஞாயிறு)   முகரம் பண்டிகை

16. நவம்பர் 28 (புதன்)   குருநானக் பிறந்த நாள்

17. டிசம்பர் 25 (செவ்வாய்)   கிறிஸ்துமஸ் பண்டிகை

மேற்கண்ட தகவலை வருமான வரித்துறை தெரிவித்து உள்ளது.

 

முஸ்லிம்மை தீவிரவாதி என்பதா? அமெரிக்காவின் ஹாவர்ட் பல்கலைக்கழகம் கடுமை

இந்தியாவில் இஸ்லாமியத் தீவிரவாதம் என்ற தலைப்பில் ஜனதா கட்சித் தலைவர் சுப்பிரமணிய சாமி எழுதிய கட்டுரையைக் கடுமையாக கண்டித்துள்ள அமெரிக்காவின் ஹாவர்ட் பல்கலைக்கழகம், அங்கு சாமி நடத்தி வந்த பாடங்களையும் ரத்து செய்துவிட்டது. அதாவது, அவரை நீ்க்கிவிட்டது. இதனால், இனிமேல் ‘ஹாவர்ட் விசிட்டிங் புரோபசர்’ என்று சாமி கூறிக் கொண்டு திரிய முடியாது.

கடந்த ஜூலை மாதம் சாமி எழுதிய ஒரு கட்டுரையில், இந்தியாவில் உள்ள மசூதிகளை இடிக்க வேண்டும், தங்களது மூதாதையர்கள் இந்துக்கள் என்பதை ஏற்கும் முஸ்லீம்களுக்கு மட்டுமே இந்தியாவில் ஓட்டு போட உரிமை தர வேண்டும் என்று கூறியிருந்தார். இவரது கருத்துக்கு நாடு முழுவதுமே கடும் எதிர்ப்பு எழுந்தது.

சாமியை நீக்க வேண்டும் என்று கோரி ஹாவர்ட் பல்கலைக்கழகத்தைச் சேர்ந்த 400 மாணவர்கள் கையெழுத்திட்டு கோரிக்கையும் வைத்தனர்.

இந் நிலையில், பிற மதங்களை புண்படுத்தும் வகையில் எழுதியதற்காக, ஹாவர்ட் பல்கலைக்கழகம், சாமி நடத்தி வரும் பாடங்களை அதிரடியாக நீக்கியுள்ளது